Kryeministri Edi Rama ka folur ndër të tjera edhe për arrestimin e isha-agjentit të FBI-së MC Gonigal.
Rama tha se nuk ka asnjë lidhje me atë person, ndërsa hodhi akuza në drejtim të opozitës për 21 janarin.
“Njerëzit normalisht duhet të jenë mësuar që këtu opinioni ndahet në një pjesë që beson medoemos atë që do të besojë dhe një pjesë tjetër që dëgjon dhe reflekton mbi faktet.
Kjo është një çështje jo çështje, është një çështje e hetuar nga drejtësia amerikane, e cila nuk nxjerr vendime për vrasje pa autorë apo nga pakujdesia kur urdhrat jepen nga dritaret e institucioneve. Ka zero lidhje mes meje dhe këtyre akuzave.
Përmendja e emrit si pjesë në një takim apo në një tjetër, nuk ka lidhje me përfundime që nxjerr hetimi në SHBA. Aty është bërë një hetim dhe kanë dalë në përfundime. Takove një zyrtar, po e takova, po e takova disa herë. Kjo nuk përbën asnjë arsye për të nxjerrë konkluzione të reja, duke parë nga Tirana me dylbitë e politikës së qorollepjes së njerëzve për zhurmë, kur jemi përballë një fakti të ri për 21 janarin për të hapur hetimin në Prokurorinë e Posaçme. Kush do të kuptojë e kupton, nuk komentoj mbi komente. Unë dhe qeveria e Shqipërisë nuk kanë asnjë lidhje me përfundimin e hetimit të dalë rrugës kur kryesorja është një gjë tjetër”, tha Rama.
Discussion about this post