Partia Demokratike ka reaguar sërish për skandalin me inceneratorët, kriminalizimin dhe kanabizimin e vendit, duke kujtuar sërish arrestimin e ish-gjeneralit të Guardia di Finanza, Fabrizio Lisit dhe lidhjen e tij me sekretarin e Përgjithshëm të Ramës, Ëngjëll Agaçin.
Deputeti i PD, Arbi Agalliu deklaroi nga selia se lidhjet e Agaçit me gjeneralin e arrestuar, janë provë se vetëm një njeri me pushtet absolut pranë Ramës, mund të ndërmerrte një operacion të tillë dhe se Saimir Tahiri ishte vetëm zbatuesi i operacionit.
“Ish-gjenerali i Guardia Di Finances, Fabrizio Lisi, i arrestuar në Itali, ka qenë pjesë e Guardia di Finanzia në kohën kur vendi u mbulua nga kanabisi dhe shifrat manipuloheshin. Dhe për këtë, me ndihmën e Sekretarit të përgjithshëm të Kryeministrisë, Engjëll Agaçi, ai ka përfituar 3 hektarë tokë në bregdetin e Vlorës. Pra, kësaj skeme kriminale i ka shërbyer sekretari i përgjithshëm i Edi Ramës, Ëngjëll Agaçi. Sot ish-gjenerali i Guardia Di Financës, Fabrizio Lisi, dhe ish-ministri i Brendshëm, Saimir Tahiri janë në burg. Lidhjet e Agaçit me gjeneralin e korruptuar italian, tashmë i arrestuar, janë provë se vetëm një njeri me pushtet absolut pranë Edi Ramës, mund të ndërmerrte një operacion të tillë dhe se Saimir Tahiri, ministri i dënuar për bashkëpunim me bandën e Habilajve, ishte vetëm zbatuesi i këtij operacioni. Çuarja para drejtësisë e njeriut që nën gradat e gjeneralit, ishte vënë nën shërbim të mafias së kanabisit në Shqipëri, duhet të jetë pikënisja e një operacioni hetimi që do të çojë tek Edi Rama”, tha Agalliu.
Ndër të tjera, PD ngre pikëpyetje se përse SPAK nuk ka nisur ende hetimet për Ëngjëll Agaçin dhe rolin e tij në shpërblimin me tokë dhe apartamente në bregdetin e Vlorës të Fabrizio Lisit.
Discussion about this post