Arrestimi i ish-punonjësit të ATP për korrupsion, zbardhen detaje

SPAK arreston Ilir Kapetanin ish-punonjës i Agjencisë së Trajtimit të Pronave për korrupsion pasiv.

Gjykata e Posaçme i ka caktuar masën e sigurimit “arrest në burg” në mungesë pas më shumë se 1 viti hetime ku iu dokumentuan të paktën 14 raste, në të cilat ai ka marrë para ndaj qytetarëve të ndryshëm.

Sipas burimeve, shumat e lekëve që ai merret ishin nga 30 mijë deri në 300 mijë Lekë të reja. Po i njëjti burim bën me dije se Ilir Kapetani merrte përsiper që nëpërmjet rryshfetit të shqyrtonte dosjet e ish-pronarëve me përparësi.

Ai u premtonte atyre kompensimin financiar, gjatë trajtimit të kërkesave të tyre për kthimin dhe kompensimin e pronës. Mesohet se Ilir Kapetani i takonte vetë personat dhe ju merrte paratë.

Për të njëjtën çështje nën hetim janë vënë edhe 9 qytetarë të cilët i dhanë ryshfet dhe një tjetër është shpallur në kërkim. Ata akuzohen për “korrupsion aktiv të personave që ushtrojnë funksione publike”. Gjykata ka caktuar ndaj tyre masë sigurie “Arrest në shtëpi”, për dy persona, dhe 6 të tjerë me masën “Detyrim paraqitje”.