Ashtu siç është lajmëruar ditë më parë, sot në orën 16:00 në sheshin “Skënderbej” do të mbahet një protestë e bashkëkombasve shqiptarë.
Protesta organizohet nga Shoqata “Krahu i shqiponjës”, në mbështetje të luftëtarit të UÇK-së Dritan Goxhaj.
Sipas organizatorëve, protesta kërkon lirimin e ish-luftëtarit të UÇK-së dhe mos-ekstradimin e tij drejt Hagës, në Dhomat e Specializuara.
“Dritan Goxhaj u arrestua më 31 korrik nga Policia e Tiranës, për llogari të Gjykatës Speciale të Kosovës, me zyra në Hagë.
Mbi të rëndojnë dy akuza ajo e “Frikësimit gjatë procedurës penale” dhe “Pengimit të personit zyrtar në kryerjen e detyrave”. Avokati i Goxhajt, Bashkim Nikolla e ka cilësuar si vendim me prapavijë politike arrestimin e klientit të tij, ndërsa shton se ai është i pafajshëm.
Togeri Dritan Goxhaj, pilot në Shkollën e Aviacionit Vlorë ju bashkua UÇK-së në Mars të vitit 1999. Ai është djali i ushtarakut Dilaver Goxhaj, i cili iu bashkua vullnetarisht UÇK-se dhe iu besua detyra e zv/Shefit të Shtabit të Përgjithshëm të UÇK-së. Dritan Goxhaj, luftëtari i UÇK-së, ushtaraku shqiptar, intelektuali dhe gazetar i fjalës së lirë, më datë 31 Korrik u arrestua nga Policia e Shtetit shqiptar, referuar Letër-Porosisë së Gjykatës Speciale Kosove.
Ky është rasti i parë i arrestimit të një shtetasi shqiptar me urdhër të Dhomave të Specializuara që veprojnë në Hagë me ligjet e Kosovës.
Dritan Goxhaj, luftëtari i UÇK akuzohet për ” Frikësim gjatë procedures penale” dhe ” Pengimi i Personit zyrtar në kryerjen e detyrave zyrtare”.
Këto akuza absurde janë ngritur pas shkrimit të tij si gazetar i lirë “Memedheu , UÇK-ja dhe gjykata speciale” Solidarizohuni në mbështetje të luftëtarit të UÇK dhe fjalës së lirë Dritan Goxhaj.”
Discussion about this post