Të tjera detaje janë zbardhur lidhur me arrestimin e 42-vjeçarit Dervish Hasi, me profesion kirurg, i arrestuar nga Policia e Tiranës, me akuzën e shfrytëzimit për prostitucion të një vajze të mitur.
Sipas raportimeve, vajza të cilën Hasi e ka shfrytëzuar ishte gruaja e 4-rt e tij, dhe ajo ishte 16 vjeç. Dyshohet se Hasi e ka shfrytëzuar të miturën prej dy vitesh, pra që kur ajo ishte 14 vjeçe.
Hasi njihet si besimtar mysliman dhe kishte edhe 3 gra të tjera në shtëpi. E mitura shkonte në shtëpinë e Hasit në intervale të shkurtra kohore, 3 deri në 4 ditë, ndërsa dyshohet se Hasi ka kryer marrëdhënie seksuale me të, e cila do të konfirmohet përmes akt-ekspertizës.
Pas denoncimeve të bëra në polici, ai ka thënë se vajza ka ardhur me dëshirën e saj, pavarësisht se ajo ishte e mitur.
Dervish Hasi, ka qenë nën hetim edhe nga SPAK pasi kishte dyshime se ishte pjesë e një grupi kriminal që merrej me trafikun e armëve dhe sniper.
“Dyshohet se shfrytëzoi një shtetase të mitur, për prostitucion, për një periudhë 2-vjeçare, kapet dhe vihet në pranga 42-vjeçari.
Shërbimet e Komisariatit të Policisë Nr. 1, pas kallëzimit të depozituar në komisariat, se një e mitur shfrytëzohej nga një shtetas, për prostitucion, menjëherë kanë organizuar punën për dokumentimin ligjor të rastit në fjalë dhe vënien e autorit përpara përgjegjësisë penale.
Në vijim të veprimeve hetimore të kryera për këtë rast, specialistët për Hetimin e Krimeve të Komisariatit të Policisë Nr. 1 arrestuan shtetasin D. H., 42 vjeç, banues në Tiranë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, thuhej në njoftimin zyrtar të Policisë.
Discussion about this post