Në një konferencë për mediat, kryetari i Partisë Demokratike Lulzim Basha ka folur fillimisht për arrestimin e ish-ministrit të Mjedisit Lefter Koka.
Nga selia blu, Basha e konsideroi sërish skandalin e inceneratorëve si aferën më të madhe korrupstive, ndërsa shtoi se se lufta kundër korrupsionit është jetike për Shqipërinë dhe për shtetin ligjor.
“Dje SPAK ka arrestuar Lefter Kokën dhe disa bashkëpunëtorë në aferën e inceneratorëve sikundër ka shpallur në kërkim dhe disa të tjerë. Sot dua t’iu drejtohem të gjithë qytetarëve shqiptarë me katër mesazhe të qarta të cilat në fakt i kemi komunikuar gjatë këtyre kohëve nisur nga afera të ndryshme korruptive por padyshim nga afera më e madhe ajo e mafies së inceneratorëve. Mesazhi i parë është që për PD lufta kundër korrupsionit është jetike, vendimtare për Shqipërinë, për shtetin ligjor, për të drejtat e njeriut dhe mbi të gjitha për mirëqenien e shqiptarëve. Problemi numri një është problemi i varfërisë. Problemi i shqiptarëve është problemi i keqqeverisjes dhe problemi nr 1 i keqqeverisjes është korrupsioni. Shqiptarët nuk janë të varfër, por të vjedhur. Duket fare qartë se si taksat i kanë vjedhur në bashkëpunim me nj-tj politikanët pushtetarë, një skemë e ndërtuar nga persona me precedentë penalë, anëtarë të krimit të organizuar në bashkëpunim me oligarkinë. pasi e kanë ndërtuar këtë skemë, pasi kanë vjedhur ashiqare ditën për diell paratë e shqiptarëve, me këto para kanë paguar për të heshtur”, tha Basha.
Edhe më herët, kryedemokrati tha se nuk është ish-ministri “peshku i madh”, por hodhi akuza drejt kryeministrit Rama dhe figurave të tjera të rëndësishme në PS.
Discussion about this post