Janë 12 zyrtarë të Bashkisë Bulqizë që u shoqëruan në komisariat pas arrestimit të kryebashkiakut Lefter Alla. Ende nuk janë zbardhur identitetet e tyre, ndërkohë që raportohet se janë ushtruar dhe kontrolle të shumta.
Është kontrolluar banesa e vetë kryebashkiakut Alla dhe e të vëllait.
Lefter Alla, kryetar i Bashkisë së Bulqizës është vënë në prangat e Policisë së Shtetit pas një urdhër-arresti të prerë nga Struktura e Posaçme kundër Korrupsionit dhe Krimit të Organizuar.
Ai është vënë në pranga me urdhër të SPAK për shkak se ndaj tij rëndojnë dy akuza, atë për korrupsion dhe abuzim me tenderat publikë.
Discussion about this post