Pas arrestimit të ish-ministrit të LSI Lefter Kokës, ka ardhur një reagim edhe nga kryetari i Partisë Demokratike Lulzim Basha. Në një deklaratë për mediet ai është shprehur se kjo është një skemë mafioze për të cilën PD ka denoncuar dhe akuzuar.
Ndërsa ka shtuar se kjo skemë ashtu si edhe shumë të tjera të pazbardhura, sipas tij kanë vjedhur shqiptarët dhe duhet të dalin padiskutim përpara drejtësisë. Me këtë rast të rëndë korrupsioni, kryedemokrati thekson se do të qëndrojë transparent duke zbardhur këto skema korrupsioni.
“Skenë e mafioze, për të vjedhur shqiptaret për të cilën të gjithë duhet të vihen përpara përgjegjësisë. Ky është fillimi i një procesi duhet të dimë se çfarë duhet të bëjmë me kokat e dosjes së incerenatorëve. Arrestimi i kokës provon akuzat dhe denoncimet tona. Do të vazhdojmë betejën tonë për transparencë pikërisht për zbardhjen e këtyre skemave korruptive”, ka thënë ai.
Discussion about this post