Kryeministri Edi Rama, nuk ka lënë pa folur edhe për ish-ministrat dhe nënpunësit e qeverisë së tij që sot ndodhen në burg. Ai ritheksuar se nuk mban përgjegjësi për ministrat e deputetë të PS, që janë arrestuar nën akuzat e korrupsionit dhe shpërdorimit të detyrës. Ndërkohë gjatë fjalës në kongresin e PS-së, Rama theksoi se faji është i atij që shkel besimin dhe jo i atij që e jep, duke shtuar se Partia Socilaiste nuk mban përgjegjësi kur dikush humbet PIN-in.
“Ka plot njerëz që përgjatë rrjedhjes së ngjarjeve në drejtësi nuk e shohin atë që është e qartë si drita e diellit. Më thonë a je përgjegjës pse zgjodhe këtë apo atë. A thua se në rrugëtimin e kësaj jete, fajin e ka kush të jep besim, e jo kush e shkel. Përgjegjësia është individuale. Një familje nuk mban përgjegjësi nëse ndonjë e humbet pinin. Ne mbajmë përgjegjësi për rolin që luajmë. Përgjegjësinë e mbajmë këtu në këtë vend kur pak vite më parë, kryeministri merrte peng prokurorinë dhe me urdhrin e tij nuk ekzekutoheshin fletë-arrestet nga skena e krimit të 4 vrasjeve. Në këtë vend tatimet drejtoheshin nga shtëpia, nga një i dënuar dhe kryeministri thoshte do pres vendimin e formës së prerë. Parafytyrojeni sikur këto gjëra t’i bëja unë. Fakti që nuk jemi si ata është medalje nderi për ne. Ata janë parti, ne jemi frymë” – tha Rama.
Discussion about this post