Arrestimi i Thaçit, Rama në OKB: U vu në pranga në zyrë pa asnjë…

Kryeministri Edi Rama në fjalën e tij në OKB, ka përmendur edhe arrestimin e Hashim Thaçit.

Rama tha se ish-presidenti i Kosovës u vu në pranga në zyrën e tij, pa pasur asnjë akuzë, duke e cilësuar ngjarjen një dështim monumental.

Rama: Drejtësia qëndron në themelet e çdo përpjekje të një paqeje afatgjatë dhe prosperiteti. Nuk mundem të mos ndaj këtu me ju një shembull të tmerrshëm që duhet të jetë mësim për gjithë botën.

Në vitin 2011, Asambleja e Këshillit të Europës u miratua një raport nga Dick Marty ku akuzohej UÇK-ja për krime në Kosovë. Raporti i tij ishte tronditës.

U shndërrua në faktorin kyç të ushqimit të idesë dhe ngritjes së dhomave të specializuara për Kosovën. Çdo përpjekje hetimore u bë gjatë këtyre 11 viteve të gjata për t’i vërtetuar këto akuza, por më kot, asgjë, asnjë provë nuk u gjet askund, në Kosovë apo diku tjetër.

Megjithatë dhomat e specializuara për Kosovën ndërkohë që flasim kanë arrestuar presidentin e Kosovës, Hashim Thaçin pa pasur asnjë padi ndaj tij.

Përpiquni ta imagjinoni, udhëheqësin tuaj që merret nga zyra dhe mbahet i arrestuar për një vit të tërë pa pasur asnjë akuzë ndaj tij. Ky është dështim monumental.