Avokati i Valter Bamit, i cili u arrestua dy ditë më parë, pasi në dorën e majtë të tij u gjetën mbetje baruti ka reaguar për Faxnews, duke hedhur poshtë lajmet se ndalimi i tij lidhet me vrasjen e kunatit të Gentjan Bejtjas dhe plagosjen e dy fëmijëve të mitur të këtij të fundit.
Avokati tha se Valter Bami prej 3 vitesh ka një armë me leje dhe realizon shpesh qitje. Ndërkohë ai shtoi se ditën që ka ndodhur ngjarja, Bami ka qenë në banesë dhe sipas tij ka edhe pamje filmike që e vërtetojnë këtë.
“Para pak ditësh është folur në media sikur Valter Bami është shoqëruar fillimisht dhe më pas liruar, tani ka një urdhër ndalimi. Kam kontaktuar me te, në procesverbal akuzohet se në një prej duarve është gjetur një mbetje baruti.
Në komunikim me klientin, ai prej 3 vitesh ka një leje, një armë , që realizon qitje dhe e përdor cdo 2-3 ditë se ka një zonë ullishte pranë banesës. Ditën që ndodhi ngjarja klienti ndodhej në banese, ka pamje që e tregojnë të qartë. Valter Bami nuk është i dyshuar si vrasës por për mbajtje armë pa leje.
Arma bën zhurmë, nuk realizon plagosje apo vrasje. Klienti thotë që nuk ka një konflikt me Bejtjan”, tha avokati.
Discussion about this post