Pas arrestimit të Kryebashkiakut Erion Veliaj, nën hetim është marrë edhe një tjetër socialiste.
Bëhet fjalë për Klotilda Bushkën e cila akuzohet nga SPAK për veprën penale të “Veprime që pengojnë zbulimin e së vërtetës”.
Sipas SPAK, Bushka, e cila është kryetarja e Komisionit të Ligjeve, ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal të Veliajt.
“Përveç sa është përmendur mësipër, Prokuroria e Posaçme po kryen hetime paraprake ndaj deputetes së Kuvendit të Shqipërisë, shtetases K. B. Emri i kësaj të fundit është regjistruar në regjistrin përkatës të njoftimeve si person i dyshuar për kryerjen e veprës penale të “Veprime që pengojnë zbulimin e së vërtetës”, parashikuar nga neni 301 i Kodit Penal. Deri në këtë fazë konstatohet se ekzistojnë të dhëna konkrete të cilat të çojnë tek dyshimi i arsyeshëm se personi nën hetim K. B. ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024”, thuhet në njoftimin e SPAK.
Discussion about this post