Kryetari i Partisë Demokratike, Sali Berisha, ka reaguar për herë të parë pas arrestimit të kryebashkiakut të Tiranës, Erion Veliaj, gjatë ditës së sotme.
Teksa po dilte nga selia e PD, kur u pyet lidhur me ngjarjen, Berisha u shpreh se kjo tregon se piramida e krimit po shembet.
“Po shembet piramida e krimit”, tha Berisha teksa u pyet nga gazetarët lidhur me arrestimin e Veliajt.
Veliaj u arrestua me urdhër të SPAK. Gjithashtu mësohet se Gjykata ka miratuar masën e sigurisë “arrest në shtëpi” për bashkëshorten e Veliajt, Ajola Xoxaj.
Masa detyrim paraqitje janë caktuar edhe për disa biznesmenë, mes tyre Shkëqim Fushën dhe Gentian Sulën.
Kujtojmë se zyrtarë të Byrosë Kombëtare të Hetimit kanë kryer disa herë kontrolle në ambientet e biznesit të bashkëshortes së Veliajt, Ajola Xoxa, dhe vëllait të tij, Arbi Veliaj.
Discussion about this post