Arrestimi/ Kjo është makina BMW me të cilën po udhëtonte Laert Haxhiu

Ky është automjeti tip BMW me të cilën udhëtonte Laert Haxhiu kur u kap nga policia greke në Janinë pranë zonës së aeroportit.

Ai ishte në mjet së bashku me dy shqiptarë të tjerë, edhe këta emra të njohur për autoritetet shqiptare e greke, njëri prej të cilëve një 22-vjeçar i kërkuar nga autoritetet e vendit tonë.

Kurse personi i tretë, sipas mediave greke, është Juxhin Bajrami 35 vjeç, kushëriri i Mario Diamantit nga Delvina që u vra në një karburant në Athinë dy vite më parë. Në atë kohë, 35-vjeçari vetë mbeti i plagosur. Ka qenë pikërisht kushëriri i Mario Diamantit, raporton shtypi grek, shoferi i makinës BMW ku ndodhej Laert Haxhiu. Ai kishte ardhur nga Athina për të marrë 31-vjeçarin shqiptar.

Atyre iu sekuestruan edhe 1400 Euro.

Sipas mediave greke, oficerët e policisë i kanë bërë sinjalizim që të ndalojë një makine në zonën e Eleuzës së Janinës, por drejtuesi i mjetit nuk u është bindur efektivëve, të cilët më pas i janë vënë në ndjekje.

Makina, në tentativë për të shmangur ndalimin nga policia, ka përplasur tre makina të tjera dhe mbeti e bllokuar.