Policia e Shtetit ka njoftuar ditën e sotme rreth kontrolleve të përditshme që bëhen në të gjitha akset rrugore në vend, teksa bëhet me dije se janë arrestuar 16 drejtues mjetesh dhe janë pezulluar 89 leje drejtimi. Gjatë 48 orëve të fundit janë arrestuar 16 drejtues mjetesh e motomjetesh, nga të cilët 7 për drejtim mjeti pa leje drejtimi dhe 9 për drejtim mjeti në gjendje të dehur. Gjithashtu janë pezulluar 89 leje drejtimi, nga të cilat 60 për shpejtësi mbi normat e lejuara, 27 për drejtim mjeti nën efektin e alkoolit dhe dy për kundërvajtje. Ndër të tjera janë gjobitur 2378 drejtues mjetesh për shkelje të rregullave të qarkullimit rrugor.
