Arrestohen 3 persona nga Mitrovica në Morinë, kapen me drogë

Ditën e sotme, tre të rinj nga Mitrovica janë arrestuar në pikën kufitare të Morinës për trafikim të lëndëve narkotike.

Ata po udhëtonin me një mjeti tip “Audi” që drejtohej nga shtetasi me iniciale Sh. D. dhe pasagjerë shtetasit me iniciale A. A. dhe V. A, të tre banues në Mitrovicë.

Gjatë kontrollit ndaj drejtuesit të mjetit, shtetasit Sh. D., shërbimet e Policisë kanë gjetur një sasi lëndë të dyshuar narkotike kanabis, e cila u sekuestrua në cilësinë e provës materiale, së bashku me automjetin dhe 4 aparate celulare.

Materialet do t’i kalojnë Prokurorisë pranë Gjykatës së Rrethit Gjyqësor Kukës, për veprime të mëtejshme.