Policia e Kosovës përmes një njoftimi për media, ka bërë të ditur se mbrëmë rreth orës 23:30, në rrugën “1 Tetori” në Prishtinë, saktësisht në një shtëpi, policia ka hasë në 8 persona të cilët janë shoqëruar në stacion policor, për Organizim të skemave piramidale dhe bixhozit të paligjshëm.
“Përveç disa gjësendeve që lidhen me veprën e sipër shënuar, nga zyrtarët policor të stacionit Qendra dhe zyrtarët e Njësitit për Reagim të Shpejtë, është gjet dhe sekuestruar një sasi e substancave të dyshuara narkotike (dy lloje marihuanë dhe kokainë)”, thuhet në njoftim.
Sipas Policisë, personat e dyshuar janë intervistuar, dhe u është iniciuar rast për veprën, Organizim i skemave piramidale dhe bixhozit, si dhe posedim të paautorizuar të substancave narkotike.
“Me vendim të prokurorit të shtetit, shtatë nga personat janë liruar në procedurë të rregullt, ndërkohë që njëri prej të dyshuarve është dërguar në vuajtje të dënimit, pasi ndaj tij kanë rezultuar aktive katër urdhëresa të gjykatës”, thuhet në njoftim.
https://www.facebook.com/KosovoPolice/posts/512249694448627
/RTK/
Discussion about this post