Arjan Prengzaj, 43 vjeç, dhe Avdi Ismajlgeci, 44 vjeç, janë arrestuar në Tropojë, pasi policia u sekuestruar një arsenal armësh gjatë një operacioni të koduar “Velishti”.
Gjatë kontrollit të automjetit, Policia gjeti dhe sekuestroi 2 armë zjarri, municion luftarak, thika, 2 sëpata të vogla, 2 radio marrëse-dhënëse si të Policisë, 1 palë dylbi
Kontrolli u shtri edhe në banesat e të arrestuarve. Në shtëpinë e A. P., u gjetën dhe sekuestruan 4 radio të tjera si të Policisë, municion luftarak i kalibrave të ndryshëm dhe disa karikatorë. Ndërkohë, në banesën e A. I. u gjetën edhe 2 radio të tjera.
Armët e sekuestruara janë dërguar në Institutin e Policisë Shkencore për ekzaminim, për të përcaktuar nëse janë përdorur në ndonjë ngjarje kriminale.
Discussion about this post