Policia italiane arrestoi dy shqiptarë, të cilëve iu zbulua rreth 470 kg drogë, kanabis dhe kokainë, me një vlerë tregu prej 3 mln euro.
Shqiptarët, secili 29 dhe 28 vjeç, u kapën në kuadër të një hetimi nga autoritetet e Bolonjës, ndërsa skuadra antidrogë ndërhyri në momentin kur dy shqiptarët u takuan dhe po shkëmbenin zarfe në makinë.
Pas ndalimit të dy shqiptarëve, policia ka kontrolluar banesat e tyre ku janë gjetur 5 kilogramë kokainë, në shtëpinë ku rrinte 28 vjeçari, dhe 24 kilogramë kokainë dhe rreth 439 kilogramësh hashash, në banesën e 29 vjeçarit.
Në shtëpinë e tij, gjithashtu u gjetën edhe 11 mijë euro cash, një armë zjarri pistoletë me municione, gjithashtu dhe një çelës apartamenti.
Në bazë të informacioneve të mëparshme nga policia, ata arritën të gjenin banesën përkatëse të çelësave të gjetur, ku në apartament të cilët ata ua kishin dhënë me qira disa shqiptarëve të tjerë, u gjetën dhe 50 mijë euro të tjera cash.
Ata u arrestuan dhe u dërguan në burgun e Bolonjes. Sipas medieve italiane, mbi dy shqiptarët rëndojnë akuzat e posedimit dhe trafikimin të drogës dhe armëve të zjarrit. Ata ndodhen në paraburgim ku do të presin dënimin nga gjykata.
Discussion about this post