Arrestohen dy shqiptarë në Itali, iu gjetën 50 kg kokainë dhe 400 mijë euro

Policia italiane ka vënë në pranga 3 persona, mes tyre dy shqiptarë, pasi iu ka sekuestruar rreth 50 kilogramë kokainë, si dhe 400 mijë euro. Operacioni është kryer të premten e kaluar, por detajet e operacionit janë bërë me dije ditën e sotme.

Fillimisht policia ka gjetur më shumë se 17,000 euro brenda një makine, ndërsa pas kontrolleve të kryera në shtëpitë e personave të përfshirë, dy shtetas shqiptarë dhe një grua moldave, janë gjetur dhe sekuestruar 39 pako të tjera kokaine, si dhe një sasi tjetër lekësh prej 390 mijë euro. Tre të përfshirët u arrestuan në flagrancë për trafik droge, ndërsa pritet të përballen me drejtësinë.