Arrestohen për drogë 4 shqiptarë në Gjermani

Katër shqiptarë kanë rënë në prangat e policisë gjermane, pasi janë kapur duke punuar në një plantacion kanabisi.

Mediat e huaja raportojnë se plantacioni është zbuluar në zonën e Lippes, ndërsa të arrestuar janë të moshave 31 deri në 35 vjeç.

Gjatë kontrollit fizik në ambient, policia gjeti dhe sekuestroi 1 100 bimë kanabisi me një lartësi rreth 1.5 metra. Vlera e drogës arrin deri në 3.5-5 mln euro nëse do shitej në treg të zi.

Aktualisht katër shqiptarët e arrestuar ndodhen në paraburgim, në pritje të masës së sigurisë nga drejtësia gjermane.