Katër shtetas shqiptarë kanë përfunduar në pranga pasi akuzohen se ishin përgjegjës për kultivimin e kanabisit në një banesë në Roeselare të Belgjikës.
Hetuesit kanë gjetur mbetjet e një plantacioni kanabisi në një shtëpi private që ndodhej pranë godinës së rajonit të policisë.
Shtëpia e shqiptarëve ishte e kthyer në plantacion për rritjen e kanabisit, si edhe pranë ndodhej rajoni i policisë belge, i cili ndodhet disa qindra metra larg.
Efektivët e policisë kalonin pranë banesës ku kultivohej kanabisi dhjetëra herë çdo ditë, por pa mundur të gjurmonin veprimtarinë e paligjshme.
Shqiptarët e arrestuar do të përballen me drejtësinë për kultivimin e bimëve narkotike, ndërsa drejtuesi i tyre rrezikon deri në dy vite burg.
Discussion about this post