Është finalizuar me sukses operacioni i koduar “Portions”, për goditjen e veprimtarisë kriminale në fushën e narkotikëve. Policia ka vendosur në pranga 3 adoleshentë, M. M., 19 vjeç, F. Xh., 21 vjeç, dhe A. T., 20 vjeç, të tre banues në Tiranë, të cilët janë kapur në flagrancë duke shpërndarë lëndë narkotike.
Gjatë kontrollit fizik ndaj këtyre shtetasve, policia ka gjetur dhe sekuestruar, në cilësinë e provës materiale, sasi lënde narkotike të llojit cannabis sativa, të ndarë në doza, gati për shitje.
Në vijim të veprimeve, gjatë kontrollit të ushtruar në banesën e shtetasit M. M., është gjetur dhe sekuestruar një tjetër sasi lënde narkotike e ndarë në doza.
Nga verifikimet hetimore ka rezultuar se këta shtetas, në bashkëpunim me njëri-tjetrin, pasi siguronin sasi të konsiderueshme të lëndës narkotike cannabis sativa, e shisnin atë në doza të vogla, në zonën e Unazës së Re dhe në Yzberisht.
Materialet i kaluan Prokurorisë, për veprime të mëtejshme procedurale
Discussion about this post