Arrestohen tre serbë në Zveçan, ndalnin automjetet në rrugë

Policia e Kosovës ka njoftuar për arrestimin e tre serbëve në Zveçan në orët e para të së enjtes.

Sipas njoftimit të policisë, këta persona janë arrestuar pasi në bashkëveprim me disa persona të tjerë, kanë ndaluar në rrugë automjetet.

“Zveçan, 31.05.2023-00:30. Janë arrestuar tre të dyshuar meshkuj serbë, pasi në bashkëveprim me disa persona tjerë, në rrugë kanë ndaluar disa automjete”, njofton Policia e Kosovës.

Siç vijon njoftimi, të dyshuarit janë intervistuar dhe janë liruar në procedurë të rregullt.