Arrestohen tre të miturit shqiptarë dhe tutorja greke (Arsyeja)

Tre të mitur me origjinë shqiptare janë arrestuar nga policia grek me akuzën për grabitjen e një biznesi lojërash fati.

Sipas mediave greke tre të miturit shqiptarë shfrytëzoheshin nga një 56-vjeçare, e cila akuzohet si ideatorja e grabitjeve.

Në grabitjen e fundit të miturit kanë arritur të marrin në kasën e biznesit të lojërave të fatit 6950 euro.

Në kontrollet e mëpasshme në shtëpitë e autorëve u gjet një shumë prej 7230 euro, pesë celularë, dy thika me gjatësi teh 14 dhe 9 cm, doreza najloni dhe veshjet e përdorura nga autorët për të kryer grabitjet.

Në hetim janë përfshirë edhe prindërit e dy prej grabitësve, të cilët akuzohen për neglizhencë ndaj fëmijëve të tyre.