Komisariati i Policisë së Gjirokastrës e ka arrestuar 15-vjeçarin që goditi me thikë, një moshatarin e tij ditën e dje. Hetimet dhe arrestimi janë kryer në prani të prindërve, avokatit dhe psikologut për shkak të moshës së tij të mitur.
Ndërkohë mësohet se bashkëmoshatari i tij që u plagos nga sulmi, ëshë dërguar në spital dhe është jashtë rrezikut për jetën. Të janë nxënës të shkollës së mesme industriale të qytetit.
Njoftimi
Në vijim të informacionit paraprak të dhënë ditën e djeshme, se një 15-vjeçar kishte dëmtuar bashkëmoshatarin e tij, me mjet prerës, ju informojmë se specialistët për Hetimin e Krimeve të Rënda arrestuan të miturin, autor të dyshuar të plagosjes. Veprimet procedurale me këtë shtetas vijojnë të kryhen në praninë e prindit, mbrojtësit ligjor dhe psikologut. Ndërkaq, 15-vjeçari i dëmtuar është jashtë rrezikut për jetën.
Discussion about this post