Arrestohet 18-vjeçari, pas kontrollit në banesë ju gjetë një armë pa leje dhe lëndë narkotike

Një 18-vjeçar ka rënë në prangat e policisë së Tiranës, pasi akuzohet se posedonte armë dhe drogë. Burime zyrtare bënë me dije se pas hekurave ra shtetasi me inicialet S.L.

NJOFTIMI I POLICISE
Posedonte lëndë narkotike dhe mbante armë zjarri në banesë, vihet në pranga një 18-vjeçar. Komisariati i Policisë Nr. 6, në zbatim të masave të planit operacional “Sundimi i ligjit”, bazuar dhe në informacionet e siguruara nga inteligjenca policore, për një shtetas që posedonte lëndë narkotike dhe mbante armë zjarri pa leje, në banesë, kanë organizuar punën për kapjen e tij. Si rezultat u arrestua në flagrancë shtetasi S. L., 18 vjeç, banues në Tiranë. Gjatë kontrollit fizik dhe të banesës, shërbimet e Policisë i gjetën dhe sekuestruan, në cilësinë e provës materiale, një dozë kokaine dhe një armë zjarri pistoletë. Materialet i kaluan Prokurorisë për veprime të mëtejshme procedurale.