Një 24-vjeçar ka rënë prangat e policisë pasi qarkullonte me armë zjarri me vete. Sipas njoftimit të policisë, mësohet se është arrestuar Enea Canameti, 24 vjeç.
Gjatë kontrollit fizik të tij në rrugën “Siri Kodra”, shërbimet e Forcës së Posaçme “Shqiponja” i gjetën dhe sekuestruan në cilësinë e provës materiale një armë zjarri me fishekë luftarak.
Canameti do të gjykohet për veprën penale “Mbajtja pa leje dhe prodhimi i armëve, armëve shpërthyese dhe i municionit”. Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.
Discussion about this post