Arrestohet 26-vjeçari në Berat, kapet me pushkë dhe drogë

Policia e Beratit ka vendosur në pranga një 26-vjeçar, banues në Osmënzezë, Berat.

Në bazë të informacioneve të marra në rrugë operative shërbimet e Komisariatit të Policisë Berat, ushtruan kontroll në banesën e shtetasit Sefedin Mehmetaj, ku si rezultat i kontrollit të befasishëm, shërbimet e Policisë gjetën të fshehur në banesën e tij, një armë zjarri pushkë dhe një sasi lëndë narkotike cannabis sativa.

Materialet janë referuar në Prokurorinë e Rrethit Gjyqësor Berat, për veprime të mëtejshme.