Një 30-vjeçar shqiptar është arrestuar në Itali, pasi akuzohet për të paktën 50 vjedhje në Trentino. Mediat raportojnë se i arrestuari është identifikuar me iniciale P.E. Pas verifikimeve rezulton se 30-vjeçari ishte në kërkim ndërkombëtar pasi akuzohet në Shqipëri për tentativë vrasjeje ndaj një komisari policie, krim për të cilin sipas mediave italiane është dënuar me 20 vjet.
Ndërkohë në momentin e arrestimit, raportohet se shqiptari ka qenë me një bashkëkombës 28-vjeçar. Të dy u arrestuan pasi akuzohen për një seri grabitjesh që kanë ndodhur në fund të vitit 2021 në territorin e Mogliano-s në Veneto.
Dy shqiptarët u kapen në një qendër tregtare, ndërsa mësohet se kanë bërë edhe rezistencë gjatë arrestimit.
Për 30-vjeçarin shqiptar raportohet se në Itali kërkohej për vjedhje, trafik droge dhe posedimin e materialeve shpërthyese. Ndërkohë 28-vjeçari tjetër, me inciale M.I ishte dëbuar nga Italia për krime kundër pronës.
Discussion about this post