Një 31-vjeçar është arrestuar ditën e sotme në Vlorë, pasi të shtunën ka aksidentuar me automjetin e tij një fëmijë. Mësohet se drejtuesi i mjetit me iniciale I. B., përplasi me makinë ditën e djeshme në lagjen “1 Maji”, një 12-vjeçar me inicale R. B., i cili ndodhet në spitalin e Traumës Tiranë jashtë rrezikut për jetën.
31-vjeçari fillimisht ishte larguar nga vendi i ngjarjes, por sot është vetëdorëzuar në polici.
Po ashtu, policia Vlorë njofton se në gjendje të lirë janë proceduar tre persona për veprën penale “Pushtimi i tokës”.
A. K., 45 vjeç, pasi është konstatuar se kishte zënë hapësirën publike në vendin e quajtur “Havana e re”, Dhërmi, duke vendosur një skelet hekuri, pa lejen e organeve përkatëse.
A. B., 44 vjeç, pasi është konstatuar se kishte zënë hapësirën publike në vendin e quajtur “Perivoll”, Dhërmi, duke vendosur një strukturë prej druri, pa lejen e organeve përkatëse.
E. K., 43 vjeç, pasi është konstatuar se kishte zënë hapësirën publike (trotuar), në shëtitoren e fshatit Dhërmi.
