Specialistët për Hetimin e Krimit Ekonomik dhe Financiar kanë ndaluar 37-vjeçarin Damiano(Dorian) Remi pasi Gjykata e Shkallës së parë Tiranë, e ka dënuar me 3 vite burg për “Vjedhje të kryer duke shpërdoruar detyrën.
Ndërsa, Specialistët e Qarkullimit Rrugor kanë arrestuar tre persona. Në pranga janë vënë G. A., 24 vjeç dhe E. A., 32 vjeç, pasi janë kapur duke drejtuar mjetet në gjendje të dehur, dhe po ashtu është arrestuar një 58-vjeçar pasi ka aksidentuar një 34-vjeçare, e cila ndodhet në spital duke marrë kujdes shëndetësor.
Më 3 qershor, policia njofton se u referuan materialet në Prokurorinë pranë Gjykatës së Shkallës Parë Tiranë, për S. P., 30 vjeç, pasi në rrugën dytësore Tiranë-Durrës, në Fushë Mezez, duke punuar në objektin në pronësi të tij, është dëmtuar punëtori S. L., 46 vjeç, i cili ndodhet në spital.
Kurse, më 4 qershor, një 26-vjeçar ka kallëzuar se në orën 00:30, në rrugën “Gramoz Pashko”, e kanë goditur me grusht. Ai i cili ndodhet në spital, jashtë rrezikut për jetën. Në Kamzë, në një magazinë, kanë vjedhur 50 litra vaj transformatori. Punohet për identifikimin dhe kapjen e autorit.
