Një 39-vjeçar është arrestuar nga Policia në Tiranë, pasi akuzohet se dogji një makinë tip “Audi” me vlerë 100 mijë euro, në pronësi të një 44 vjeçari.
Sipas Policisë, i riu me iniciale E.SH, i ka vënë zjarrin makinës luksoze në rrugën “Memo Meto” në kryeqytet për motive të dobëta.
“Menjëherë pas njoftimit se rreth orës 03:30, të datës 09.12.2025, në rrugën “Memo Meto”, ishte djegur automjeti tip “Audi” në pronësi te shtetasit J. C., 44 vjeç, shërbimet e Komisariatit të Policisë Nr. 4 organizuan punën për të identifikuar dhe nxjerrë përpara përgjegjësisë penale, autorin/ët e rastit, si dhe për të zbardhur rrethanat. Si rezultat i veprimeve të kryera në kuadër të operacionit “Price”, u identifikua dhe u arrestua autori i dyshuar i rastit, shtetasi E. Sh., 39 vjeç, banues në Tiranë, i cili dyshohet se e ka kryer këtë krim, për motive të dobëta”, tha Policia.
Materialet procedurale iu referuan Prokurorisë së Tiranës, për veprime te mëtejshme.
Discussion about this post