Një 45-vjeçar është ndaluar nga policia e Sarandës pasi ka goditur një minorene.
45-vjeçari është bërë pjesë e sherrit të së bijës me një nxënëse tjetër përpara shkollës.
Mësohet se 14-vjeçarja që ishte zënë me të bijën para shkollës dhe babai ka ndërhyrë duke qëlluar adoleshenten.
Nga specialistët për Hetimin e Krimeve në Komisariatin e Policisë Sarandë u ndalua shtetasi H. R., 45 vjeç, banues në Sarandë, pasi dyshohet se për motive të dobëta ka goditur një shtetase të mitur 14 vjeçe.
Materialet iu referuan Prokurorisë, për veprime të mëtejshme.
