Një 52-vjeçar ka rënë në prangat e policisë së Gjirokastrës, pasi akuzohet për kontrabandë mallrash. Uniformat blu bënë me dije se bëhet fjalë për personin me inicialet H. N., banues në Gjirokastër.
Nga kontrolli i ushtruar nga policia, në garazhin e banesës së tij në fshatin Bodrisht, u gjetën dhe u sekuestruan në cilësinë e provës materiale një sasi e konsiderueshme mallrash të ndryshme, kryesisht kozmetike, me mbishkrime në gjuhë të huaja, të pa shoqëruara me dokument përkatës, të cilat dyshohet se kanë hyrë kontrabandë në vendin tonë.
Materialet i kaluan Prokurorisë për veprat penale “Kontrabanda me mallra të tjerë”, “Ruajtja apo depozitimi i mallrave kontrabandë” dhe “Fshehja e të ardhurave”.
Discussion about this post