Një rast i rëndë ka ndodhur në Maqedoninë e Veriut, ku një 69-vjeçar nga Tetova është arrestuar pasi ka sulmuar seksualisht fqinjën e mitur.
Gjykata e Maqedonisë së Veriut mori vendim që të caktojë masën e paraburgim për 69-vjeçarin si i dyshuar për veprën penale “sulm seksual ndaj fëmijës”. Gjatë ditës së djeshme ai është privuar nga liria për shkak se rreth orës 19:30 ka prekur trupin e një vajze të mitur, e cila ka qenë fqinja e tij.
“Pas arrestimit, SPB Tetovë parashtroi kallëzim penal në Prokurori. Gjyqtari në procedurë paraprake caktoi masën e paraburgimit për 30 ditë”, njoftojnë nga SPB Tetovë.
Ai sot është dërguar në burgun e Shkupit për ta mbajtur masën e paraburgimit.
