Një 19-vjeçar është arrestuar nga policia brenda Spitalit Ushtarak të Tiranës, pasi është kapur me kanabis në xhep. M. Idrizi, është i riu i cili ka bërë sjellje të dyshimta brenda ambienteve të spitalit.
Kanë qenë qytetarët, të cilët kanë njoftuar policinë që qëndron e stacionuar në hyrje të spitalit.
Pas kontrollit fizik, 19-vjeçari i është gjetur dhe sekuestruar rreth 7 gram kanabis. Dyshohet se i riu merrej me shitje të kanabisit në zonën e spitalit.
