Arrestohet doganieri i Portit të Vlorës

Policia njofton se ka arrestuar për ryshfet e kontrabandë një punonjës të Portit të Vlorës.

Ndalimi i doganierit është bërë me urdhër të GJKKO-së. Gjykata ka caktuar për të arrestuarin masën e sigurisë “arrest me burg”.

Nga strukturat hetimore të DVP Vlorë, u bë ndalimi i shtetasit A. N., 46 vjeç, banues në Vlorë, pasi Gjykata e Posaçme e Shkallës së Parë për Korrupsionin dhe Krimin e Organizuar, Tiranë, me vendimin e datës 18.04.2022, i ka caktuar masën e sigurisë “Arrest në burg”, për veprën penale “Korrupsion pasiv i personave që ushtrojnë funksione publike”.

Ky shtetas dyshohet se gjatë ushtrimit të detyrës si doganier në portin e Vlorës, në këmbim të ryshfetit, ka lejuar futjen e mallrave kontrabandë.