Është arrestuar nga policia drejtori i zjarrfikëses së Cërrikut, Artion Taçi. Toçi akuzohet për ‘ushtrim të ndikimit të paligjshëm’, ‘krim zgjedhor’. Arrestimi i tij është bërë me urdhër nga Prokuroria e Elbasanit.
Në pranga kanë rënë edhe shtetasit Adnand Xhelili, Alban Shima, Armand Gjoka, Agiano Dinoshi.
Artion Taçi dhe më herët është prangosur nga ana e policisë. Ai është arrestuar për shkak se drejtonte automjetin në gjendje të dehur.
Nga testi i parë i kryer me aparatin Drager, ky shtetas rezultoi në masën 2.0 mg/l, ndërsa në testin e dytë rezultoi me 1.225 mg/l.
36-vjeçari u hetua në atë kohë për veprën penale “Drejtim i mjetit në mënyrë të parregullt në gjendje të dehur”.
“Sot, Drejtoria Rajonale e Agjencisë së Mbikëqyrjes Policore Elbasan-Korçë në bashkëpunim me Sektorin e Qarkullimit Rrugor pranë DVP Elbasan kanë kryer arrestimin në flagrancë të shtetasit A. T., 36 vjeç, me detyrë Shef i PMNZSH në qytetin e Cërrikut, i dyshuar për kryerjen e veprës penale “Drejtim i mjetit në mënyrë të parregullt në gjendje të dehur”, parashikuar nga neni 291 i Kodit Penal.
Arrestimi i këtij shtetasi u krye pasi ai ka qenë duke drejtuar automjetin tip “Mercedez Benz” në gjendje të dehur, në qytetin e Cërrikut. Nga testi i parë i kryer me aparatin Drager, ky shtetas rezultoi në masën 2.0 mg/l, ndërsa në testin e dytë rezultoi me 1.225 mg/l. Materialet procedurale i kaluan Prokurorisë pranë Gjykatës së Shkallës së Parë Elbasan.
AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, Gardës së Republikës dhe shërbimit Zjarrfikës, duke telefonuar në numrin e gjelbër 0800 90 90, njoftonte policia në janar 2023 .
Discussion about this post