Sulmuesi i Naftëtarit, Samuel Vrapi është arrestuar nga policia e Kuçovës gjatë ndeshjes së skuadrës së tij me Flamurtarin.
Gjatë pjesës së dytë të takimit të vlefshëm për javën e pestë të Kategorisë së Dytë, teksa vlonjatët ishin në avantazh me rezultatin 0-1, tifozët e vendasve nisën të kritikonin lojtarët e tyre për lojën e dobët.
Kjo solli që babai i Vrapit të përplasej në tribunë me një tifozë, i cili po i ofendonte të birin. Pasi pa këtë situatë sulmuesi shkoi drejt tribunës duke kërcënuar tifozin, duke detyruar arbitrin t’i tregonte kartonin e kuq për të riun, me policinë që tentoi të qetësoi situatën.
Ndërsa në dalje të stadiumit Vrapi priti tifozin të dalë dhe tentoi për ta godiste, përplasje fizike e cila u parandalua nga efektivët e policisë, që më pas shoqëruan për në komisariat sulmuesin, të atin dhe tifozin.
Me dhjetë lojtarë dhe tensione ekipi i Kuçovës u mund nga Flamurtari me rezultatin 0-3./K.T/Gijotina.com
