Arrestohet ish-kryebashkiaku i Kukesit, Safet Gjici. Masa e arrestit është dhënë nga GJKKO, ndërsa mbi Gjicin është ngritur akuza e korrupsionit pasiv, neni 260. Arrestimi i Gjicit vjen pak ditë pas publikimit të nje video skandali ku shfaqej ish-kryebashkiaku bashkë me personazhin Alma. K, ku pas një akti seksual, kjo e fundit i kërkonte një tender për sterilizimin e qenve.
Gjici fillimisht pretendoi se kishte një lidhje afatgjatë me gruan në fjalë, ndërsa kërkonte falje për atë që kishte ndodhur në zyrën e tij. Por nga hetimet rezultoi se Gjici dhe gruaja 40-vjeçare nuk kishin ndonjë lidhje të mëparshme.
SPAK nisi hetimet lidhur me çështjen, duke sekuestruar kamerat e sigurisë, por edhe praktikën e ndjekur përsa i takon sterlizimit të qenve në bashkinë e Kukësit. Me akuzën që SPAK ka ngritur ndaj Gjicit ai rrezikon deri në 7 vite burg.
SPAK në hetimin e çështjes ka marrë në pyetje qytetaren Alma. K, të cilës i është ndaluar dalja jashtë vendit, nënkryetarin e Bashkisë së Kukësit, por edhe zyrtarë të tjerë të kësaj bashkie. Gjici është kryebashkiaku i parë që humbet mandatin e marrë në zgjedhjet e 14 majit.
Discussion about this post