Një futbollist i Premier League është arrestuar nën dyshimin e kryerjes së veprave seksuale me fëmijë.
Policia bastisi shtëpinë e lojtarit, ndërsa ai është pezulluar edhe nga klubi në pritje të hetimit të mëtejshëm. Lojtari u arrestua dhe u mor në pyetje nga policët ditën e premten.
‘The Sun’ raporton se hetimi po drejtohej nga Ekipi kryesor i Incidentit i Policisë së Mançesterit.
Ndërsa një zëdhënës i klubit tha: “Ne mund të konfirmojmë se kemi pezulluar një lojtar të ekipit të parë në pritje të një hetimi policor. Klubi do të vazhdojë të mbështesë autoritetet dhe nuk do të bëjë ndonjë deklaratë të mëtejshme.”
Kjo ngjarje erdhi si një goditje tronditëse për Premier League përpara fillimit të sezonit të ri. Më tej nga policia u deklarua se në shtëpinë e lojtarit nuk u gjend asnjë provë, ndërsa shtuan se ai është liruar me kusht në pritje të hetimit të mëtejshëm. Ndërsa agjenti i lojtarit nuk pranoi të komentojë më./Gijotina.com
