Arrestohet mjeku, dyshohet se morri 100 euro për një…

Një mjek është arrestuar ditën e sotme nga policia, pasi dyshohet se i mori 100 euro një qytetari për të kryer një akt ekspertimi.

Bëhet fjalë për mjekun ligjor Z.P, 63 vjeç.

Mjeku i Rreshenit akuzohet se i ka marrë 100 euro për të kryer një akt ekspertimi.

Arrestimi i tij u bë pas kallëzimit në polici nga qytetari 55-vjeçar.

63-vjeçari u arrestua në flagrancë për veprën penale “Korrupsioni pasiv i personave që ushtrojnë funksione publike”.

Gjithashtu, në vijim të veprimeve procedurale për këtë rast u sekuestrua si provë materiale, shuma 100 euro që 63-vjeçari i mori qytetarit në kundërshtim me ligjin.

Materialet procedurale i kaluan Prokurorisë.