Boksieri i famshëm me origjinë shqiptare e banim në Angli, Florian Marku është arrestuar nga policia gjermane.
32-vjeçari është ndaluar për llogari të autoriteteve helene për një incident të regjistruar vite më parë, ku Marku ka kryer një pjesë të dënimit, por me ligjin e ri, do të duhet që boksieri të shlyejë edhe 6 muaj të tjerë.
Florian Marku ishte përfshirë në një konflikt në Greqi, ku ndaj tij rëndonin 2 akuza nga autoritetet.
Marku kreu 1.6 vite burg nga 7 që ishte dënimi i tij, e sipas ligjit të ri me çështjen në apel do të duhet të rikthehet sërish për të kryer pjesën e mbetur, së paku 1/3. Ndalimi i tij u bë në Gjermani, ku kishte shkuar për arsye personale, ndërsa u ndalua më 9 dhjetor.
Florian Marku prej vitesh vijon karrierën e tij si boksier, duke u ndeshur në shtete të ndryshme, pasi nuk kishte njoftim të mëhershëm për këtë çështje.
Baza e tij mund të konsiderohet Anglia, ku jetonte së bashku me familjen dhe kishte ngritur një karrierë të suksesshme boksi, por tanimë do të duhet që fillimisht të zgjidhë çështjen me autoritetet greke të drejtësisë.
Discussion about this post