Robert Linadi, 41-vjeçar nga fshati Bajzë i Shkodrës, është arrestuar së bashku me një bullgar dhe një maroken nga policia spanjolle, pasi dyshohet se kanë kryer një seri grabitjesh në Majorka.
Grupi, që kryente grabitje në shtëpi të banuara dhe hiqte kasaforta nga muret, ishte i përfshirë në vjedhje në disa zona të ndryshme të ishullit, përfshirë Marratxí, Port d’Andratx, Palma, Calvià dhe Cala Rajada. Ata janë kapur pas një operacioni të koduar “Orada/Swiper” nga Njësia e Sigurisë Qytetare të Gardës Civile, që zhvilloi kontrolle në shtëpi në Génova dhe Cala Major, ku u arrestuan.
Grupi kishte planifikuar grabitje për periudhën e Krishtlindjeve, duke shfrytëzuar udhëtimet e pronarëve të shtëpive. Gjatë hetimeve, policia ka gjetur një kasafortë të vjedhur, 50 ora, bizhuteri, telefona celularë dhe rreth 3500 euro para cash.
Linadi, i cili ka një histori të kaluar kriminale, ka qenë i përfshirë në disa ngjarje kriminale më parë, përfshirë vrasjen e Xhevahir Demaj në Londër në vitin 2004 dhe një rast pengmarrjeje në Londër në vitin 2003.
Ai ka kaluar 17 vjet në burg për vrasjen e Demaj dhe ka pasur ndalesa për hyrje në disa vende evropiane për incidente të ngjashme.
gijotina.com/
Discussion about this post