Është arrestuar autori i vrasjes me thikë të regjistruar mbrëmjen e djeshme në fshatin Xibër të Klosit. Në pranga është vënë shtetasi Hazbi Velsula, i cili mësohet se është kapur në zonën e Alliasit në Tiranë.
Hazbi Velsula dyshohet se ka vrarë kushëririn e tij, 65-vjeçarin Selim Velsula, i cili mbërmjen e të mërkurës u gjet pa shenja jete, pranë pronës së tij, me plagë të shumta në trup të shkaktuara me thikë.
Burime bëjnë me dije se pasi kreu krimin, Hazbi Velsula kishte njoftuar të motrën për vrasjen e kushëririt Selim Velsula. Më pas, ka qenë motra e autorit, ajo e cila ka njoftuar Policinë, ku uniformat blu rrethuan zonën ku ishte fshehur, duke e vënë në pranga.
Ende nuk dihen motive e krimit, por dyshohet se autori vuan nga probleme të shëndetit mendor. Policia tha se grupi hetimor, nën drejtimin e Prokurorisë, po punon për sqarimin e rrethanave të kësaj ngjarjeje.
Discussion about this post