Një italian i dënuar me 6 vjet burgim, për shtrëngim për dhënie pasurie, është arrestuar në Shqipëri dhe është ekstraduar në Itali.
Interpol Tirana bën të ditur se është ekstraduar shtetasi italian me iniciale R. B, i dënuar në vitin 2014, nga Gjykata e Savonas, me 6 vjet e 8 muaj burgim, për shtrëngim për dhënie pasurie.
Ndërkohë, nga Austria në Rinas është ekstraduar një shtetas shqiptar, i dënuar me mbi 3 vjet burgim, për dhënie ndihmë për kalim të paligjshëm të kufijve.
“Ekstradimin nga Vjena, në Shqipëri, të shtetasit N. A., 26 vjeç, i lindur në Bulqizë, i dënuar në vitin 2022, nga Gjykata e Elbasanit, me 3 vjet e 4 muaj burgim, për dhënie ndihmë për kalim të paligjshëm të kufijve. 26-vjeçari iu dorëzua Drejtorisë së Përgjithshme të Burgjeve, me qëllim vuajtjen e pjesës së mbetur të dënimit me burgim, rreth 2 vjet”, njofton policia.
Discussion about this post