Shërbimet e Seksionit të Kërkimit kanë arrestuar në bashkëpunim me Interpol Tirana një shtetas 49-vjeccar të shpallur në kërkim ndërkombëtar me qëllim ekstradimin e tij.
I shumëkërkuari, Merenglen Cani, nga Tirana, ishte i kërkuar për krime të ndryshme mes të cilave, trafik të drogës, blerje, mbajtje, blerje, shitje dhe transferim të produkteve të veprës penale.
Në orët në vijim, Cani, pritet të ekstradohet drejt Britanisë së Madhe.
Njoftimi:
Tiranë
Finalizohet nga Seksioni i Kërkimit në DVP Tiranë, operacioni policor i koduar “Catch”.
Kapet dhe vihet në pranga, me qëllim ekstradimi, 1 shtetas i shpallur në kërkim ndërkombëtar për organizatë kriminale me qëllim trafikun e drogës, dhe mbajtja, blerja, shitja, dhe transferimi i produkteve të veprës penale.
Shërbimet e Seksionit të Kërkimit, në vijim të punës për kapjen e personave të shpallur në kërkim ndërkombëtar, në bashkëpunim me Interpol Tirana, në bazë të informacioneve të siguruara në rrugë policore, kanë organizuar dhe finalizuar operacionin policor të koduar “Catch”, si rezultat i të cilit u bë kapja dhe arrestimi provizor, me qëllim ekstradimin drejt Britanisë, i shtetasit:
– M. C., 49 vjeç, banues në Tiranë.
Ky shtetas ishte shpallur në kërkim ndërkombëtar, pasi Gjykata District Judge, Stevenge Magistrates Court, ka lëshuar urdhër arresti ndaj tij, për veprat penale “Organizatë kriminale me qëllim trafikun e drogës”, dhe “Mbajtja, blerja, shitja, dhe transferimi i produkteve të veprës penale”, parashikuar nga Kodi Penal Britanik.
Interpol Tirana vijon procedurat për ekstradimin e këtij shtetasi drejt Britanisë.
Discussion about this post