Policia Rrugore e Tiranës vë në pranga një tjetër shtetas që drejtonte mjetin nën efektin e lëndëve narkotike. Efektivët e Policisë Rrugore Tiranë kanë organizuar kontrolle të alternuara, me qëllim jo vetëm verifikimin dhe ndëshkimin e shkeljeve që janë burim për aksidente rrugore, por edhe ndëshkimin e veprave të tjera penale që shkelin integritetin e punonjësve të Policisë së Shtetit.
Gjatë këtyre kontrolleve policore, në rrugën “Xhanfize Keko”, është ndaluar drejtuesi i një automjeti, shtetasi me inicialet S. D., 21 vjeç, të cilit, policia i kanë bërë testin e drogës, me aparatin AquilaScan. Pas testit, rezultoi se 21-vjeçari drejtonte automjetin nën efektin e lëndëve narkotike.
Në përfundim të veprimeve, u bë arrestimi në flagrancë i tij, për veprën penale “Drejtimi i automjeteve në mënyrë të parregullt”.
Gjithashtu, këtij shtetasi iu pezullua leja e drejtimit për 12 muaj, iu zbritën 10 pikë nga leja e drejtimit dhe iu vendos masa administrative 15.000 lekë të rinj, për shkeljen e nenit 185 të parashikuar nga Kodi Rrugor, “Drejtimi i mjetit nën efektin e lëndëve droguese”, matur me aparatin drogëtestues të markës “AquilaScan”.
4 ditë më parë, Policia Rrugore e Tiranës, prangosi një 25-vjeçar i cili rezultoi se drejtonte automjetin nën efektin e lëndëve narkotike.
Discussion about this post