Arrestohet për drogë vëllai i kryebashkiakut socialist, Adriatik Zotkaj

Artur Zotkaj, vëllai i kryebashkiakut socialist të Poliçanit, Adriatik Zotkaj është arrestuar nga policia e Beratit.

55-vjeçari ishte dënuar me 16 muaj burg për “prodhim dhe shitje narkotikësh”.

Ai është dënuar nga gjykata e Beratit në mars të 2017-ës, pasi në muajin shtator 2015, gjatë operacionit “Pronoviku”, në banesën e këtij shtetasi janë gjetur dhe sekuestruar 9 kilogramë cannabis sativa.

“Specialistët për Hetimin e Narkotikëve, ndaluan shtetasin A. Z., 55 vjeç, banues në Poliçan. Gjykata e Beratit, me vendimin e datës 13.03.2017, e ka dënuar këtë shtetas, me 1 vit e 4 muaj burgim, për veprën penale ‘Prodhimi dhe shitja e narkotikëve’, pasi në muajin shtator 2015, gjatë operacionit ‘Pronoviku’, në banesën e këtij shtetasi janë gjetur dhe sekuestruar 9 kilogramë cannabis sativa”, njofton policia.

Artur Zotkaj u arrestua bashkë me disa persona të tjerë, mes tyre edhe kunatin. Sipas hetimeve të kohës, Artur Zotkaj kishte në pronësi disa magazina në fshatin Provonik të cilat përdoreshin për grumbullimin dhe paketimin e lëndës narkotike.

Pas arrestimit, ai u la i lirë nga gjykatat, me zbutje të masës së sigurisë, një vendim që u cilësua skandal në disa raportime mediatike.